荼、茶、cha、tea (七)

趁著聖誕假期，返大陸遊玩了幾天，玩得開心，所以時間過得特別快，真係有d唔捨得！

不知係唔係之前無什麼注意到，而今次特別留意了一下，發覺原來賣茶葉的鋪頭不知不覺已經開到成行成市啦，街頭賣茶葉、街尾又係賣茶葉，短短一條街都有兩間茶葉鋪，真係有感茶鋪多個米鋪。

咁又可以證明了越來越多人鍾意飲茶，越來越多人在推廣茶的文化，有項調查結果指出，廣東人十個裏面有七個人都會飲茶，所以飲茶已經成了習慣，個個都鍾意以茶會友。例如，好久不見的朋友，一見面時通常都會講句，“得閒飲茶啦”、“搵個時間飲茶啦！”所以飲茶的文化是多麼的普及啊！

就好似這幾天在大陸都係飲茶多個飲水，早上就連飲茶食個包，都好講究，不論茶葉的挑選、水的溫度、泡茶的方法等等，都超講究，真覺得是在歎茶，而不是飲茶咁簡單！