原來人的壽命係可以好長，好長，好長...........

今日睇左本書，話原來人最勁係可以活到一百七十五歲，最低限度也可以活到一百一十歲至一百二十歲都無問題，基本要求就係好好愛惜及照顧自己的身體。就算到了六十四歲後，陰陽出現衰退，但如果好好養生的話，應該能活到一百一十歲。


原來這個人類自然年齡的推算是有三種學說：1. 自然係數；2.細胞分裂；3.跟性成熟期有關。

所以「長命百歲」這句話真係無錯的，咁樣計，即係七、八十歲都依然係“年青人”啦。




金句：用休閒的心去完成忙碌的事，長命功夫長命做。

養生保健法

昨天提出健康的十大評價標準，咁點樣先可以達致養生保健的效果呢？哦，原來要咁樣：

1.均衡營養，不揀飲擇食；
2.保持有充足的睡眠，睡眠應佔人類生活的三份一時間；
3.心情要保持樂觀開朗，寬鬆；
4.多曬太陽，可提神。每日光照半至一小時，對經常精神萎靡不振，有憂鬱傾向的人很有效果；
5.合理安排每日活動；
6.勞逸適度，注重休息；
7.每日抽時間靜坐放鬆；
8.每星期遠離繁囂的都市一次，到效外環境走走，親親大自然；
9.每天睡個子午覺；
10.多做運動，鍛鍊身體；
11.保持口腔健康，飯後潄口。

所以要保持身心健康真係一點也不簡單......

金句：笑一笑，心強壯；愁一愁，脾更愁，一笑可以解千愁。 哈哈哈哈  哈哈......

健康的標準

今天番看之前的學習筆記，睇到一份資料是關於對健康標準的10大評價，所以就自己對對，睇下中了幾個POINT了，睇下健唔健康先，結果......哈哈哈，覺得原來健康的標準都定得幾高，要完全符合，都真係有D難度囉！

1. 精力要充沛，能從容不迫地擔負起日常生活和繁重的工作，而且不感到過分緊張和疲勞；
2.處世樂觀，態度積極，樂於承擔責任，任何事都不挑剔；
3.善於休息，睡眠充足；
4.應變能力強，適應外界環境的變化；
5.能抵禦一般感冒和傳染病；
6.體重適當，身體勻稱，站立時頭、肩位置協調；
7.眼睛明亮、反應敏捷、眼瞼不發炎；
8.牙齒清潔，無蛀牙，不牙痛，牙齦顏色正常，無出血現象；
9.頭髮有光澤，無頭屑；
10.肌肉豐滿，皮膚有彈性。

不過我都係覺得自我感覺係最重要，自覺健康就是健康啦。

金句：健康是無價而珍貴的，當你擁有健康，你才是世界上真正開心幸福的大富翁。

秋天應該早睡早起

根據《黃帝內經》中的第二篇《四氣調神大論》的記載，應該按照四氣的特色來調節作息時間，例如：春天、夏天---夜睡早起、秋天---早睡早起、冬天---早睡晚起。(但係我每個季節都係夜睡早起，難道現在只剩番春、夏季嗎？哈哈哈......)

原來睌上10點就要睡覺，咁樣11點的時候就可以達致養肝膽之氣的功效，真係好神奇呀，好有益呀！

早上太陽公公出來，公雞先生啼叫，又係時候起身了，正所謂“一日之計在於晨，又係計劃好時辰”。

其實最緊要有充足的睡眠和休息，精神與健康就隨手可得啦！

金句：早睡早起，與雞俱興

秋風送爽，又係時候補補肺

   時間過得真係快，不經不覺已經到了金秋，秋天令人想起好多好多......例如想起中秋節食月餅、想起杜牧的詩詞《秋夕》、想起秋天的紅葉、更令人想起秋天到，又係時候進補了。

  根據中基理論指出，秋天在五行中屬金，而肺臟又係屬金(真係好巧)，所以秋天與肺臟關係密切，既然到了秋天，就梗係要關照下肺這個朋友了。
 

  秋天俾人的感覺都係好乾燥(但並不會煩躁，因為此「燥」不同彼「躁」)，搞到喉乾乾咁，所以如果有d滋潤的野食下就最好啦。例如飲下金銀菜煲豬肺湯(好一個以形補形)、食個冰糖燉雪梨、飲杯百合川貝陳皮水.......適時食品實在多不勝數，諗下都覺得潤，好好味呀！

金句：秋天補肺，補而不廢。

真係做到了

一直都好想建立一個可以俾我寫下中醫知識、中醫趣聞.......的blog，但係一直都係得個“諗”字，現在終於明白，心動不如行動，係時候建立一個屬於自己的blog了，咁就可以又多一個途徑去趣談一下養生之道了。好開心，好高興，好興奮........(開心的情緒有益身心，又達到養生的效果啦，哈哈哈......)

金句：有Dr.Easy，養生好easy